мотор йоча

Изи йоча маленький ребёнок;

мотор йоча красивое дитя;

йочам пукшаш кормить ребёнка.

Темит йыр йоча-влак погынат, йомакым йодыт. М. Шкетан. Вокруг Темита собираются дети, просят рассказать сказки.

Ильич йочам йӧратен, нунын дене пырля модын, мыскарам ыштылын. В. Косоротов. Ильич любил детей, играл с ними, шутил.

Сравни с:

Йоча пагыт детские годы;

йоча модыш детские игрушки;

йоча сад детский сад.

Мария Афанасьевна мыйым йоча пӧртыштӧ ончен куштен. А. Асаев. Мария Афанасьевна воспитывала меня в детском доме.

Тений шыжым олаште музыкальный училище пелен йоча музыкальный школ почылтеш. Н. Арбан. Нынче осенью в городе при музыкальном училище откроется детская музыкальная школа.

Йоча койыш детская привычка.

– Эх, Аймет, шоҥгеммешкет йоча койышет денак кодат ала-мо, – мыскара йӧре вашештыш Марина. А. Бик. – Эх, Аймет, до старости останешься, видимо, с детскими выходками, – полушутливо ответила Марина.

Паша вургемым кудашын, чурийжым, кидшым мушкын, ару вургемым чия. М. Шкетан. Сняв рабочую одежду и умывшись, он надевает чистую одежду.

Йоча-влак ару вургеман, пеледше тӱсан улыт. В. Бояринова. Дети в опрятной одежде, цветущие.

Пӧртыштӧ путырак ару калык шинча. М. Шкетан. В избе сидит очень чистоплотный народ.

Кочмаш-йӱмашат ару, посна кӱмыж-совла гыч гына. Д. Орай. И в еде чистоплотны, едят только из отдельной посуды.

Теве тушто, сад лоҥгаште, ару сурт-влак коедат. О. Шабдар. Вот там, среди зелени, виднеются аккуратные дома.

Яндар, ару, мотор пӧртнаже торашке койын волгалтеш. О. Ипай. Далеко виднеется наш чистый, аккуратный, красивый дом.

Васлий – пеш ару йоча. Книгам тудо сайын лудеш, пеш йытыран воза, писын шотла. В. Сави. Васлий – очень аккуратный мальчик. Он хорошо читает книгу, красиво пишет, быстро считает.

Тудо чатка неран, шара шинчан, ару чурийвылышан. Д. Орай. У него аккуратный нос, серые глаза, миловидное лицо.

Могай ару тӱсет, шинчат яндар. М. Казаков. Как прекрасен твой лик, светлы глаза.

Ару шарнымаш курымешлан кодеш калык шӱмыштӧ. М. Якимов. Навеки останется светлое воспоминание в сердцах людей.

Йоча шортеш ару шинчавӱд дене. В. Якимов. Ребёнок плачет чистыми слезами.

Серышым колташ послать письмо;

командировкыш колташ послать в командировку;

фронтыш колташ отправить на фронт;

практикыш колташ направить на практику.

– Мый тый дечет ом код, – пеҥгыдын пелештыш Чачи. – Тыйым кушко колтат, мыят тушко каем. С. Чавайн. – Я не отстану от тебя, – твёрдо сказала Чачи. – Куда тебя пошлют, и я туда поеду.

– Кӧ тыйым колтен? – йодо Качырий. З. Каткова. – Кто тебя прислал? – спросила Качырий.

(Папка кува:) Юмо тыланет пиалым колта! Н. Арбан. (Старуха Папка:) Бог пошлёт тебе счастье!

Андрей Санян кидшым ок колто, шинчашкыже онча. М. Евсеева. Андрей не отпускает руку Сани, смотрит в её глаза.

Мыйым госпиталь гыч ик жаплан мӧҥгӧ колтышт. В. Дмитриев. Из госпиталя меня на некоторое время отпустили домой.

(Шумелёв:) Колхоз кассе гыч тидлан лӱмын оксам колтена. Н. Арбан. (Шумелёв:) На это мы из колхозной кассы специально отпускаем деньги.

Ӱштым колташ ослабить ремень.

– Молан кандырам шыч колто? Имнетше тулен гын, тек кудалже ыле. Б. Данилов. – Почему не отпустил верёвку? Раз лошадь взбесилась, пусть бы скакала.

Кужу ӱпым колташ отрастить длинные волосы.

Зосим Лаврентьев искусствын южо жрецше семын ӧрыш ден пондашымат колтен огыл. «Ончыко» Как некоторые жрецы искусства, Зосим Лаврентьев не отпустил усов и бороды.

Келгыш колташ отпустить глубоко;

ер пундашке колташ отпустить на дно озера.

– Почтым конденам, лончыш колтышым, – тӱнӧ пӧръеҥ йӱк шоктыш. А. Ягельдин. – Я почту принёс, в щель отпустил, – послышался во дворе мужской голос.

Машинам ходыш колташ пустить в ход машину.

Моторым колтышт. Е. Янгильдин. Пустили мотор.

Даря куштылго музыкым колтыш. В. Косоротов. Даря включила лёгкую музыку.

Пулемётный очередьым колташ пустить пулемётную очередь.

– Ракетым колтышт кӱшкӧ вик! Кок минут гыч адак весымколтышт. Ю. Артамовов. – Пустили ракету, прямо ввысь! Через две минуты пустили ещё другую.

Теве ораде эргыда Гришна ӱмбак пийым колтен пурыктыш. И. Васильев. Вот ваш ненормальный сын на нашего Гришу пустил собаку, и она его искусала.

Вожым колташ пускать корни.

Пушеҥге лышташым колтыш. Деревья распустили листья.

Ушкалымат шаҥгак колтеныт. М.-Ятман. И коров давно выгнали.

Тоям колта корак ӱмбак – Ок перне чуч гына окнаш. А. Бик. Бросает палку на ворону – чуть не попал в окно.

Колыштыда гын, тыланда ик йомакым колтем. Б. Данилов. Если будете слушать, я вам одну сказку расскажу.

Ялыште тыйын нерген манеш-манешым колтеныт. В деревне о тебе распространили сплетни.

Зинон трибунышто шога, мотор ӱдырым шинча гычше ок колто. «Мар. ком.» Зинон стоит на трибуне, не упускает из виду красивую девушку.

Тылеч ончыч гына сестра Иван Григорьевичлан тазалыкшым кучаш вӱрым колтен ыле. «Ончыко» Для поддержки здоровья Ивана Григорьевича сестра незадолго до этого влила кровь.

– Сита, ачай. Мыняр гана шупшалаш лиеш. Тӱрвем гыч чиям колтет. Ю. Артамонов. – Отец, хватит. Сколько раз можно целовать. С моих губ сотрёшь краску.

Ончыко колташ пропустить вперёд.

Кӱртньӧ корно пашаеҥ-влак кугыжан поездым Петроградыш колтен огытыл. С. Чавайн. Железнодорожные рабочие царский поезд в Петроград не пропустили.

Шовыч мардежым колта платок пропускает ветер;

кем вӱдым колта сапоги пропускают воду;

резина токым ок колто резина не пропускает ток.

Кеч-могай игече шогыжо, (калнык) шке воштшо йӱштымат, шокшымат ок колто. А. Юзыкайн. При любой погоде деревянная посуда из бруска липы не пропускает ни холод, ни тепло.

Пуалтыме машина гоч колташ пропустить через веялку.

(Володя:) Коло-кумло литр шӧрым налаш да сепаратор гоч колташ. П. Эсеней. (Володя:) Взять литров двадцать-тридцать молока и пропустить через сепаратор.

Делам судыш колташ направить дело в суд.

Конешне, тудым (Ялкановым) таче чот наказатлаш лиеш, а можыч, делам прокуратурышкат колташ логалеш. П. Корнилов. Конечно, сегодня Ялканова можно сильно наказать, а может, придётся дело передать в прокуратуру.

Радио дене у мурым колтат по радио передают новую песню.

– Тый у приёмник гоч сигналым колтенат, – йоча-влак воштылыт. В. Орлов. – По новому приёмнику ты передал сигнал, – смеются дети.

Кече шокшым колта солнце излучает тепло;

кече волгыдым колта солнце излучает свет.

– О-о, шоҥгет кузе колта! Я. Ялкайн. – Вот как даёт старый!

Сравни с:

Модын колташ проиграть;

нелын колташ проглотить;

луктын колташ выпустить;

поктен колташ прогнать;

шортын колташ заплакать;

шӱшкалтен колташ засвистеть.

Пӧръеҥ-влак рӱж воштыл колтышт. П. Корнилов. Мужчины дружно засмеялись.

Составные глаголы:

Идиоматические выражения:

Курткан ӱдыр девушка в куртке;

мотор курткан йоча ребёнок в красивой куртке.

Кумдан шарлен шогышо пич чодыра дене кӱчык курткан стрелок эрта. Н. Лекайн. По тёмному широко разросшемуся лесу проходит лесник в короткой куртке.

Пӧрт гыч лукташ вынести из дома;

пӧртйымач лукташ вынести из подполья;

вӱта гыч лукташ (вольыкым) вывести из хлева (скот).

Мый тудым йӱлышӧ танк гыч луктынам. М. Рыбаков. Я вынес его из горящего танка.

Саван вате кыдеж гыч корка дене вӱдым луктеш. А. Волков. Жена Савы из-за перегородки выносит воду в ковшике.

Помыш гыч лукташ достать из-за пазухи;

кӱсен гыч лукташ вынуть из кармана;

вӱд гыч лукташ вытащить из воды;

рок йымач лукташ достать из-под земли.

Сакар тупысо лачыжым кудаше, лаче гычше ош мераҥым лукто. С. Чавайн. Сакар снял с плеч пестерь, из пестеря вытащил белого зайца.

Соколов ӱстел гыч папкым лукто, кагаз-влакым шергаш тӱҥале. В. Иванов. Соколов достал папки из стола и стал перебирать бумаги.

Кӱтӱм лукташ выгнать стадо;

эрыкыш лукташ выпустить на свободу;

больнице гыч лукташ выписать из больницы;

петырыма гыч лукташ освободить из-под стражи;

спутникым орбитыш лукташ вывести спутник на орбиту.

Урем капкаштым комдык почын, вате-влак вольыкыштым луктыт. Д. Орай. Раскрывая настежь ворота, женщины выгоняют свою скотину.

Сай оза тыгай игечыште пийжымат тӱгӧ ок лук. С. Чавайн. Хороший хозяин в такую погоду и собаку на улицу не выпустит.

Ӱпшым лукташ испускать запах;

шокшым лукташ излучать тепло;

парым лукташ выпускать пар;

тулым лукташ извлекать огонь;

йӱкым лукташ издавать звук.

Южышт, шӧрын возын, трупкам тӱргыктат, южышт сигарке мучаш гыч чыли тулым луктыт. Н. Лекайн. Одни, лежа на боку, дымят трубками, другие излучают слабый свет кончиками сигарок.

Умшаж гыч шокшо южым луктын, ийым левыктынеже. О. Тыныш. Выпуская изо рта тёплый воздух, хочет растопить лёд.

Бригадым пашаш лукташ вывести бригаду на работу;

войскам авыралтма гыч лукташ вывести войска из окружения;

йоча-влакым тӱгӧ лукташ вывести детей на улицу;

илыш-корныш лукташ вывести на жизненный путь.

Эрла чыла калыкым уржа тӱредаш лукташ кӱлеш. М. Рыбаков. Завтра весь народ надо вывести на жатву.

Пӧлемыште кум омса: икте коридорыш луктеш, весе кухньыш наҥгая. А. Волков. В комнате три двери: одна ведёт в коридор, другая – на кухню.

Чесым лукташ выставить угощение.

Иктаж-мо кочкаш уло гын, лук, а мый пӧлемыш пурем. Н. Лекайн. Если есть что-нибудь покушать, выставь, а я пойду в комнату.

Поро ава, сийым луктын, ӱстел йыр уна-влакым пуртен шынден. В. Косоротов. Добрая мать, выставив угощения, рассадила вокруг стола гостей.

Вуйым лукташ высунуть голову;

йылмым лукташ высунуть язык.

Мланде ден кава сургалтыч, ок лий вуйым лукташат. В. Рожкин. Земля и небо содрогнулись, невозможно даже высунуть голову.

Эрай почмо окна гыч пел капшым луктын, курык велыш онча. А. Мурзашев. Эрай, высунув из окна половину своего тела, смотрит в сторону гор.

Окнам лукташ выставить окно;

омсам лукташ выставить дверь.

Вор-влак, кӱвароҥам луктын, пӧртыш пуреныт. Воры вошли в дом, вынув половицу.

Сравочым йомдаренам, окнам луктын пураш верештеш. Потерял ключ, придётся войти (в дом), выставив окно.

Нефтьым лукташ добывать нефть;

шӧртньым лукташ добывать золото;

спиртым лукташ получать спирт.

Уна, ончылнына могай кугу кӱ ора кия – тидым чыла кид дене лукмо. Й. Осмин. Вон, видишь, перед нами какая куча камней – всё это добыто руками.

Яшай теле гоч смолам, скипидарым луктеш, шӱйым ышта. С. Чавайн. Яшай всю зиму добывает смолу, скипидар, вырабатывает уголь.

Ревым лукташ вытащить репу;

кешырым лукташ убирать морковь;

миным лукташ извлечь мину.

Кум шагат жапыште Мичуш ятыр пареҥгым лукто. Н. Арбан. В течение трёх часов Мичуш выкопал много картошки.

Машинам лукташ вытащить машину;

возым лукташ вытащить воз.

Лавыраште пижын шинчыше машинам шӱдыралын лукто трактор модыш пашкарлак. В. Горохов. Застрявшую в грязи машину трактор вытащил, как игрушечную палочку.

Толашен-толашен, ушкалым лавыра гыч луктыч. Б. Данилов. С большими усилиями вытащили корову из грязи.

Терысым лукташ вывозить навоз;

пум лукташ вывозить дрова.

Колхозник-шамыч пасулаш ӱяҥдышым лукташ вашкат. М. Большаков. Колхозники спешат вывезти на поля удобрения.

– Тый, Семон изай, кушко кает? – Кордонышко пу лукташ. С. Чавайн. – Ты, дядя Семон, куда едешь? – На кордон дрова вывозить.

Списке гыч лукташ исключить из списка;

институт гыч лукташ исключить из института.

Мый тыйым паша гыч луктам, заявленийым возо. Д. Орай. Я тебя увольняю с работы, пиши заявление.

Ванькам суд деч ончыч партий гыч луктыныт. М. Шкетан. Перед судом Ваньку исключили из партии.

Оксам лукташ выпускать деньги;

сатум лукташ выпускать товары;

книгам лукташ издать книгу.

Марийланат тыгай газетым лукташ ок лий мо? К. Васин. Разве нельзя издавать такую газету и для марийцев?

Кызыт ме вес электробритвым луктына, «Эрвий» маналтеш. Ю. Артамонов. Сейчас мы выпускаем новую электробритву, называется «Эрвий».

Пунчалым лукташ вынести постановление;

законым лукташ издать закон;

приговорым лукташ вынести приговор.

Олык нерген чыла раш. Тӱшкан каҥашыме, пунчалым лукмо. В. Чалай. В отношении лугов всё ясно. Сообща обсуждено, вынесено решение.

Кузе шонет, Кырля шольо, тугай указым луктын кертыт вет? А. Волков. Как ты думаешь, брат Кырля, могут ведь издать такой указ?

Ӱчашымашым лукташ вызвать спор;

нелылыкым лукташ порождать трудности;

ӧрмашым лукташ вызвать удивление;

ӱшаным лукташ вызвать доверие;

шинчавӱдым лукташ вызвать слёзы.

Молан лач тиде муро тынар шонымашым луктеш? М. Рыбаков. Почему именно эта песня вызывает столько раздумий?

Икмыняр пуш, тыгыде толкыным луктын, вӱдӱмбалне лӱҥгалтеш. К. Васин. Несколько лодок, создавая волны, качаются на воде.

Мутым лукташ завести разговор;

йомакым лукто завёл сказку;

семым лукташ выводить мелодию;

мурым лукташ начать песню.

А икана ачаж-аважлан колхозыш пурымо нерген мутым лукто. П. Корнилов. А однажды он завёл разговор о вступлении в колхоз.

Эчан ныжылгырак тошто мурым лукто. Н. Лекайн. Эчан начал нежную старинную песню.

Ужалаш лукташ вынести на продажу;

каҥашаш лукташ вынести на обсуждение;

конкурсыш лукташ вынести на конкурс.

Тудо уто-ситым сурт гыч ок лук. П. Корнилов. Он не выносит сор из избы.

Чеверлыкше пазарышке лукташ огеш кӱл, лийже ушыжо. Калыкмут. Красота не товар для базара, был бы ум.

Чыныш лукташ привести к истине;

окмакыш лукташ оставить в дураках;

ончыко лукташ вывести вперёд;

айдемыш лукташ вывести в человека;

передовикыш лукташ вывести в передовики.

Тый мыйым воштылтышыш ит лук. М. Иванов. Ты меня не превращай в посмешище.

Тудын скрипкаже марий мурым моло мур коклаште ончыл верыш лукто. С. Чавайн. Его скрипка вывела марийскую песню на первое место среди других песен.

Айста шкенан бригадым ончыл верыш луктына. А. Асаев. Давайте выведем свою бригаду на передовое место.

Ӧрмӧ тӱсым лукташ выразить удивление;

тӱҥшӧ койышым луктеш проявляет черты упрямства.

Тудо шкенжым вольнан куча, торжа койышым луктеш. Н. Лекайн. Ведёт себя она вольно, проявляет грубости.

Сайполалан уло селтлыкшым лукташ логалеш. А. Эрыкан. Сайполе приходится показывать все свои хитрости.

Лышташым лукташ распускать листья;

нерым лукташ распускать почки.

Тудо (тополь) ужар лышташым эр шошымак луктеш. В. Иванов. Он (тополь) распускает листья ранней весной.

Уржа озым атыланен кушкеш, вашке пучым луктеш. Й. Осмин. Озимая рожь буйно разрастается, скоро пойдёт в стебель.

Оравам лукташ снять колесо,

кӧргым лукташ потрошить, вынуть потроха;

поршеньым лукташ снять поршень.

Ачый, мый вет лӱмын огыл, уто ораважым веле лукнем ыле. В. Орлов. Папа, я ведь не нарочно, хотел только лишнее колесико снять.

Печатлыме листым машинке гыч лукто, ӧрдыжкӧ пыштыш. П. Корнилов. Она сняла с машинки отпечатанный лист, отложила в сторону.

Конешне, еш илыш шотышто автор изишак чиялтен, шешкыжым торжа еҥ семын луктын. А. Волков. Конечно, в отношении семейной жизни автор переборщил немножко, сноху свою изобразил как грубого человека.

Формулым лукташ вывести формулу;

правилым лукташ вывести правила;

лӱмым лукташ выдумать прозвище.

Курым ден тул верч кредалын, луктын айдеме чакмам. В. Колумб. В вековой борьбе за огонь человек изобрёл огниво.

Тый, Ачин йолташ, оксат шагалат, сандене у «теорийым» луктынат, чын вет? Я. Ялкайн. Ты, товарищ Ачин, придумал новую «теорию», потому что у тебя мало денег, так ведь?

Нуно муныштым ырыкташ шинчыныт, игым лукнешт. Е. Янгильдин. Они сели высиживать свои яйца, хотят вывести птенцов.

Шырчык игым луктын гын, кыне ӱдаш йӧра. Пале. Если скворец вывел птенцов, пора сеять коноплю.

У урлык уржам луктыныт вывели новый сорт ржи;

шӧран урлык ушкалым лукмо выведена молочная порода скота;

биолог-влак у урлык чывым луктыныт биологи вывели новую породу куриц.

Пашам лукташ задать работу;

уто сомылым лукташ создать лишние хлопоты;

ойгым лукташ провоцировать печаль.

Тумна, толын, мыланна пашам ок лук ыле гын, очыни, шыже йӱштӧ эр утларак витара ыле. М.-Азмекей. Если бы сова, прилетев, не задала нам работы, холодное осеннее утро совсем проняло бы нас.

Корно... Корно... Могае тыште ойыртем! Мӧҥгыш толмо годым тайылан лиеш. Кайыме годым веле, курыкыш топкен, шӱртньылаш тыршалын, лакылам луктеш. В. Регеж-Горохов. Дороги... Дороги... Какие они разные. Возвращаешься домой – идёт под гору, уходишь из дома – идёт словно в гору и создаёт ухабины, чтобы ты спотыкался.

Осал койышым лукташ кӱлеш надо вытравить его нехорошие повадки;

кугешнымыжым лукташ вытравить его гордость.

Мотор Лидат деч лӱдат. Тудым изишак пӱтыралаш, аяр тӱтыражым лукташ ок лий ыле мо? М. Казаков. Боишься своей красотки Лиды? Разве нельзя было её немножко приструнить, вытравить её мутную желчь?

Азап гыч лукташ вызволить из беды;

эҥгек гыч лукташ вывести из несчастья.

Ишкылен лукташ вышибать, вышибить.

Ишкым ишке дене ишкылен луктыт. Калыкмут. Клин клином вышибают.

Кучен лукташ выводить, вывести.

Давай ушкалжым кучен луктына. Н. Лекайн. Давай выведем корову его.

Пуртен лукташ сводить, свести.

Рвезе калыкым частьыште вик мончаш пуртен луктыч. В. Микишкин. Молодых людей в части сразу сводили в баню.

Шӱдырен лукташ вытащить, вытаскивать; выволочь, выволакивать.

Мешакым шӱдырен лукташ выволочь мешок.

Составные глаголы:

Йоча ӱшкыж мӱгырымашеш помыжалте. Ребёнок проснулся от рёва быка.

Теҥыз мӱгырымаш гул моря;

тӱтан мӱгырымаш рёв бури.

Мотор мӱгырымаште нимом колаш ок лий. При рёве мотора ничего нельзя услышать.

Сакар вакш мӱгырымашеш помыжалтеш. М. Шкетан. Сакар просыпается от грохота мельницы.

Тудо (аваже) эргыжлан пеш йывыртен, но мӱндырнӧ мӱгырымаш тудымат ӧрыктара. «Ончыко» Мать очень рада сыну, но дальний грохот и её удивляет.

Мотор коляскыште йоча кия, нержат ок кой, пӱтырен пытарыме. В красивой коляске лежит ребёнок, так укутан, что и носа не видно.

Чынак, тунар пӱтырен пытаренам, кенеташте ронченат от керт. З. Каткова. Действительно, я столько напутал, что сразу и не распутаешь.

Составной глагол. Основное слово:

Сустык йоча косноязычный ребёнок;

сустык йылман косноязычный.

Ик марийын вуеш шушо кум ӱдыржӧ улмаш. Чурий сынышт мотор, но чыланат сустык улыт. А. Волков. У одного мужика были три совершеннолетние дочери. На лицо красивые, но все косноязычные.

Кошто виш пӱян изи ньога, кажне сустык мутшым чот карген. «Ончыко» Ходил беззубый малыш, проклиная каждое косное слово.

Сустыкым пытараш избавиться от косноязычия.

– Ынде изишак раш лие! – Петров шке семынже пелештыш. К. Васин. – Теперь стало немножко ясно! – произнёс про себя Петров.

Оксина кува, лӧзаҥше мотор ӱдырым ончен, шке семынже куанен. Н. Лекайн. Тётка Оксина, глядя на похорошевшую красивую девушку, радовалась про себя.

Йоча урокым шке семынже ыштыже. «Ончыко» Пусть ребёнок делает уроки самостоятельно.

Кеч-могай кайыкат шке семынже чоҥештылеш. Калыкмут. Каждая птица по-своему летает.

Тыят шке семынет илет, шке пашатым виктарет. М. Шкетан. Ты тоже живёшь по-своему, делаешь своё дело.

Литвинка-ава марий вургемым чиен коштын, марла мутланен. Южо шомакшым веле шке семынже ойлен. К. Васин. Мать-литвинка носила марийскую одежду, говорила по-марийски. Лишь некоторые слова говорила по-своему.

Тӱрлӧ вольыклан шке семынже кӱтӱчӧ кӱлеш. Калыкмут. Разной скотине нужен пастух по себе.

Агроном ден Олю коклаште йӧратымаш нигӧн тыршымыж деч посна, шке семын ылыжын. Й. Ялмарий. Любовь между агрономом и Олю вспыхнула сама собой, без чьих-то усилий.

Идиоматическое выражение. Основное слово:

Учитель-семинарист шукылан ок туныкто: шӱдӧ марте шотлаш, молитвам мураш. К. Васин. Учитель-семинарист многому не научит: считать до ста, петь молитвы.

(Пленный) витлым эртымеш сайынак шотлыш, а варажым йӱкшӧ эркышныш. Н. Лекайн. Пленный хорошо считал до пятидесяти, а потом его голос стих.

Оксам шотлаш считать деньги;

кечым шотлаш считать дни.

Йоча-влак ончыч пушеҥгым, кечшудо-влакым шотлышт. В. Сапаев. Дети сначала сосчитали деревья, подсолнухи.

Самырык ӱдыр Матран кидшым кучыш, вӱршержым шотлаш тӱҥале. П. Корнилов. Молодая девушка взяла руку Матры, начала считать пульс.

Чыла тунемше, вуйым нӧлталде, задачым шотла. В. Сапаев. Все ученики, не поднимая голову, решают задачу.

Ынде шотло: ик пуд гыч мыняр кинде погына. Ф. Майоров. Теперь считай: сколько хлеба соберётся с одного пуда.

Марина тыге шотла: тул арам йӱлышаш огыл. Ю. Артамонов. Марина считает так: огонь не должен гореть зря.

– Тиде пашам решитлымылан шотлена. Н. Лекайн. – Считаем эту работу завершённой.

– Каменщик лиймемлан ом ӧпкеле, специальностем йӧратем да кӱлешанлан шотлем. Г. Чемеков. – Я не каюсь, что стал каменщиком, я люблю свою специальность и считаю её нужной.

Лариса шкенжым мотор ӱдырлан шотлен. А. Мурзашев. Лариса считала себя красивой девушкой.

– Эрикын ойлымыж почеш, пашаштат, витне, ачамым пагалат, шотлат. Ю. Артамонов. – По рассказу Эрика, моего отца и на работе, видно, уважают, считаются.

– Тиде шеремдыме пура гына. Кочатым шотлет гын, йӱын колто! Д. Орай. – Это лишь подслащённый квас. Если уважаешь своего деда, выпей!

– А пашалан гын, йӱдымат-кечымат ок шотло, ышта. «Мар. альм.» – А работать, он не считается ни с днём, ни с ночью, работает.

(Ӱдырын) чурийжым, вургемжым ончен, марийланат от шотло. Ю. Артамонов. По лицу, по одежде девушку за марийку даже не примешь.

– Ӱдыр-влакым лывылан ит шотло. В. Иванов. – Не считай девушек бабочками.

Составные глаголы:

Идиоматические выражения: